Weltenasche
Tausend Winter, tausend Wüsten Se gengan vorbei, irgendwie, weiß no nie onders woa… Tausend Joa im Regen… …jo sogoa de… Liegen irgendwonn hinta uns, san irgendwonn passee… …oder liegn unter tausend Tonnen Schnee… Da Tod is nix, a es Leben ned wos des betrifft Z’sterbn, z’schlofn, ins Nichts zu vaschwinden Mocht iangwie a koan Untaschied mehr Reißt a koa Kluft mehr eini… …hoffentlich nie mehr… Ge wos redst oft, es is do eh no nie um wos gong… Ned bei dir oder bei uns, ned oamoi in oi de Joa Du host ois g’setzt und valuan, wos host da a erwoat? Du host ois geben, I werd‘ das nemma, sois ma doch d‘ Händ vabrenna… Es is wirklich nie um vü gong, voroim ned zwischn uns... Und leider is a Woffenruhe, doch no imma irgendwia Krieg… Das I di geh lossn hob z’reisst ma a heid no es Herz Owa um oans bin I froh, a wenns nur kurz woa, hob I di leben gseng… Owa oans muaß I da no sogn, bevua I di endlich los lossn ko I hob mi jetzt nuamoi kurzfristig umentschieden und so pathetisch wias kling: I trauert nerma drum, dasd mi oft so gach valossn host Sondern bin froh um de Zeit, de ma gemeinsam g’hobt hom… I hob di lebn gseng! De richtign Worte für ois des föhn ma scho long I woas ned wos I no sogn soi, mei Kopf is komplett lah... Wer woas ob I jemois gwusst hob wos I an dir hob, oder ob I’s jetzt woas Oba jetzt is a scho wurscht, I sauf mi um mein Verstond… …und guad is gong… Es hod ned sei soin schauts aus, dass ma zom bleim oi de Tog... Es hod ned sei soin, und wias ausschaut woa des jetzt unser letzter Marsch… Sog mas, wos hätt‘ I ondas mochn soin, das ois so bleib‘ wias is??? Und wia jetzt ned alloa durch tausend Wüsten, tausend Winter ziang??? I schuid da olle Entschuldigungen dera Wöd...! Da Regen woscht uns’re Spuren weg, oba ma hods eh scho fost nimma g‘sehen... I woas jetzt red I ma leicht, noch g’fühlt zehn Floschn Wein... Er zersetzt sie in meim Bluad und de Augen werdn ma scho schwa… Scheiß drauf! Wos hob I füa a Woih?! I loss di jetzt alloa weidaziang...
Submitted by Iron_Wraith — Jun 14, 2026
De Abende wernd wieda länger, de Tog vagengan wia im Fluag Da Winta kumbd scho wieda, und wir kenan nix dagegen doa… De Wöd erbliat… …und stirbt jedes Joa vo neuem... Nur wia bleim auf da Streckn, wonns mit uns z’end geht, sterbn ma gonz… Es gibt Tage, da gelingt es mir, nicht an dich zu denken... Mein Herz schweigt Stillstand, doch die Vergangenheit wird niemals ruhen Ich erhebe zwar mein Glas auf dich, doch diese Wunden werden nie mehr heilen Denn am Ende ist die Summe unseres Lebens, bloß die Stunden in denen wir liebten… Vergänglichkeit, wia steng mas uns? Du host ma längst olle Hoffnung gnumma… Dei Nom is da Dolch in meim‘ Herz… Dei Stimm… …da Einstich knopp drunta… Mein Wün host brochn und mi gscheid owizaht Oba I woas jo eh, ohne die hätt‘ leida nix an Wert… Du bist as Tor zu tausend Wüsten, koit und herzlos no dazua… Danke nuamoi dasd glei nimmst, und nix ned nuamoi wieda bringst… Danke nuamoi, dass mas Herz zreisst wonn I nur dro denk Wos mit uns passiert is, uns, oder eher de Schatten uns’rer söbst… Danke nuamoi, dass I ned kloa kum damit wia ois glaffn is Und I hoss wer ma wuan sand und wer ma iangwonn amoi sei wern... Es Leben hod uns scho imma g‘spoitn, I hob nie so recht g‘wusst woron I bin an dir Host ma sooft es blaue vom Himmi vasprochn, oba I füh nix ois an riesen Groi in mir… I wa nur oi zu oft gern im Schlof gstorbn... sama froh… …es is no nid passiert... Bisher wärs nix wert gwen dafia z’sterbn, Ned onsotzweiße… …ned in tausend Joa… Wia hom hoid stets de Wüstn im Kreiz und es Grob am Weg noch fuan... Wia kenan ned aus, oba I sog da wos: Heid is soweit… …heid z’reiss I de Wöd! Willst du immer weiterschweifen, liegt das Glück nicht allzu nah? Lerntest nie es zu ergreifen, für dich war es noch niemals da… Ich wünschte ich wäre roter Wein und flösse süß durch deinen Mund... Ganz und gar in dich hinein und machte dich wie mich gesund… …und machte dich wie mich gesund…
Submitted by Iron_Wraith — Jun 14, 2026
Unsan Lebtog long, homa oafach do… …oafoch g’schluckt… Unsan Lebtog long, sama weidazogn… …Tog für Tog, vo Ort zu Ort… Des Lochn is uns ziemlich schnö vagonga, und schwa wuan sand uns de Fiaß… Wei mas üwaroi probiert hom… …und hom doch nirgends Einkehr gfunden… Da Herbst er kumbd so leise, schleicht sie o und bricht da d‘Fiaß Es is schowida finsta wuan, owa nobel geht de Wöd z‘grund... Es Herz wiad ma so schwa… …und de Nocht is nimmer weit… Es dauert hechstens no a boa Stund, und wir eskalieren vo nei’m… Schwa bist wuan… Schwa is wuan, de gonze Wöd… I hob no nie sovü Freind valuan, niemois zuvua, wia im letzten Joa… Se hom da iangwonn Einfoch in Rucken zuakehrt... …wos wüst jetz doa? Wos wüst jetzt doa? Blind bist wuan… Blind, für ois wos iangwonn moi sche woa… Und wos de Wöd unter oi der Aschn, monchmoi imma no verbirgt… Drah di doch oimoi um und schau! Schau einfoch hi…!!! Schau einfoch hi…!!! Es gibt no mehr do draußd, ois wia Tod und Gestan… Huach zua jetzt, wei I sogs da nur no oamoi: A wonn is söwa oft ned glauben ko… …nid glabn wü… De Wüstn do draußd, woa iangwonn a moi a fruchtbora Bodn… De Wöd hod uns iangwonn moi g‘nährt und uns ois zum Leben gebn Es Leben is zwa scho z’brochn, owa kum, jetzt klauben mas nuamoi zom de Scherbn… …vielleicht woxns jo wieder zom… …irgendwonn…
Submitted by Iron_Wraith — Jun 14, 2026
Im nochhinein betrochtet mocht jetzt ois an Sinn Nur domois hätts neambd, niemois darotn Wia soin erwochsn werdn, hom de Ötan gsogt Nur wia soin ma do doa, wonn de Zeit um uns stüh steht?! Dei Nom is da Dolch in meim‘ Herz… Dei Stimm… …da Einstich knopp drunta… Dei Nom is da Dolch in meim‘ Herz… Dei Stimm… …da Einstich knopp drunta… I hob mi imma nur noch oam g’seht, endlich o z’kema, wieda a dahoam z’hobn... Endlich übat Weitn z’schaun, ohne imma wieda weida z’renna… Des is unsa Leben, in seiner finstersten Stund‘, wias gibt und wias nimmt, moi mit, moi ohne Grund… Wir irrn nochts durch de Stroßn, valaffn uns in tiafe Gassn Wei ma ned wissen wos hoam geht… …oder wei ma ned hoam finden woin… I hob di üwaroi gsuacht und di noch Joaren endlich gfunden… Bloach bist wuan, auszerrt und du wirkst irgendwie g’schunden… Du bist a längst nimma dasöwa, so wia koana mehr vo uns… Du trogst in Tod auf deine Lippen, er hod di woi vua mir g’funden… Kum scho, bleib‘ no, kum trink ma no a Glasl im steh… Owa, Zeit is wuan, wei de Sunn soi ohne uns aufgeh… Da letzte Herbst woa uns a Schaffott, owa süffig is sei Wein… Drum, bleib no, vielleicht fühn ma uns donn nid gonz so valuan…
Submitted by Iron_Wraith — Jun 14, 2026
Irgendwie woa ma imma kloa, dass unsre Leben a schnös End findn wean... Mir woa kloa se enden mit am Knoi, brennan aus und siechn niemois dahi Wir hom uns scho domois drauf vastondn, wonns so weit is loss ma uns ziang Lossn uns beenden wos ma ongfong hom, de ondern sogns a, des woa scho imma unsa Ding... Über a Joa huck I jetzt scho do und frog mi obs so recht woa Obs da wos brocht hod dasd jetz weg bist, I hob ghert es hod di grod a Lochn kost... Host di vo deim Leben losgrissen, wir homs uns zwa olle docht Oba trotzdem vafluach I de Wöd jetzt, und ko nimma mehr doa ois oafoch schrein… Und I wünscht I hätt‘ unsre Freind unta ondre Umständ wieda gseng Se homs leida ned fossen kena, no weniga wie I… Du host die hoamdraht und uns oi in Rucken zuakhert Du host de Konsequenzen draus zogn, aus dem, wos uns es Leben oiwai verwehrt… Koana hod uns vorbereit auf den Wahnsinn draußd in dera Wöd Koana hod uns gsogt, wie ma sie z‘recht find unter oi de gstördn Leit Koana hod uns gsogt, wie schlecht und verlogen es Leben oft sei ko Wei ma wird einsom geboren, und vorallem, wenns so weit is, sterm ma a alloa!!! I wünscht I hätt‘ di nuamoi troffn, nuamoi mit dir gredt und nuamoi mit dir g'soffn… I wünscht I hätt‘ da einfoch gsogt, wost ma bedeitst und wos I da verdonk I wünscht es wa ois ondas kem und wir kunntn jetzt no do sitzen Wie domois vor zehn Joa… …I hob docht wonnst gehst lossatst mi‘s vuaher wissen... I ko di soguad vasteh, so bled wias klingt, vo Tog zu Tog no mehr… Mir is so schlecht, I bin ständig miad und I ko mi ned dagegen wehrn Wei da Strick um dein Hois hod sie a in mei Haut brennt Und I ko koan Freind wia die nimmer mehr entbehren… Morgen um de Zeit nimmt de Wöd wieda ihrn Lauf Du liegst vabuttelt in da Erdn, und wia strein Aschn auf dei Haupt I ertrink in Gedonkn, wia a nid noch dera Gschicht Weil wer sunst nix hod wos erm hoit, der zerbricht… Da Tog wird kema, do foig I da noch, werds da gleich doa und ohne a Wort einfoch geh Bis dohi bin I in Gedonkn bei dir und loss da dein Wühn… I werd da nexte sei und donn wird’s a bei bei mir nermbd niemois vasteh… …es wird a ohne uns weidageh… …ko sei, dass a I in nextn Winta ned übersteh…
Submitted by Iron_Wraith — Jun 14, 2026
So wias heid is, kos ned oiwai sei, es wird vageh… Es ko scho muang oda erst im Fruajoa sei, wia ziang fuat vo neiem Die Zeit vageht so leise Wer woas wia long ma bleim‘... I hob di do zerst no auf und o‘ geh gseng, draußd im Schnee Deine Spuren se woan scho leicht vaschniem, oba nu kloa zum seng Weißt niangstwo dahoam woast, so wia I Host nia des gfunden noch wosd gsuacht host Weda gestan no heid… Na… Noch oi de Joare im Regen woit de Sunn einfach nimma steign Zu Tode betriabt oda himelhoch jauchzend, beides hod für uns koan Sinn gmocht I hob jo oi de Joare ghofft, unsa Wiedasehen wuad onders ausschaun Wir hom uns noch de Tog verzerrt, oba se woand uns nimma vagunnt I woas einfoch ned wias weidageh soi, so oda so, es füat zu nix De Aschn vergongener Winter, sie hod unsan Weg bis do her pflostat Und nix mog no vadecken, des Bluat auf unsre Kleider Wir hom unsa Last scho bis do her trogn, bis do her oba koan Schritt weida… De gläsane Stodt im Rucken hod uns do no nie wirklich g’stärkt Imma wenn ma wieder do san, donn lossts uns nimmer atmen De Melancholie de scho üwa ihr g’hängt is, wia man o Kinder woan Sie wird niemois weichn, denn sie trog ob jetz a weidas Kainsmoi… De Tog se welken wia es Lab vo de Bam Se hintalossn nur vage Spuren, und ollahechstens Gram Es ist lochhoft in dera Wöd, einfoch bloß z’lieben Es is Irrsinn a nur oa Wort z’glabn, es hod jo doch nix mehr bestond Mitten in da Nocht bist aussi in Woid Host nur no a kurze Nochricht gschriem Wia soind nid um die rean, host gmoant Weil du woast eh de längst Zeit scho tot… Übad Föder, übad Weitn, nuamoi vuabei an de Wiesn im Woid Es gib koan weg zruck, nur de boa Schritt noch vuan Wos hobi g’hetzt, wos hobi gschrian, owa wois sois Wir hom auf dem Weg eh jetz scho vü z‘vü valuan… Geh hoam mei Freund, I loss die ziang I loss de Stodt füa di brenna, du findst do sowieso koa Glück Jedes einzelne vo dia grauen Häuser, es soi in Flommen steh Sie hod uns olles gnumma, und I blick mit nix ois Wut drauf zruck…
Submitted by Iron_Wraith — Jun 14, 2026
No lyrics have been submitted for this track yet.